Matagumpay na hinirang bilang Top 10 Finalist ng Singing Cops of the Philippines 2024 si Patrolman Joeselle A Sacmar na naka-assign sa Regional Mobile Force Battalion ng National Capital Region Police Office (NCRPO) na gaganapin sa Setyembre 27, 2024.
Ayon kay Patrolman Sacmar, isang dahilan ng kanyang pagsali sa naturang programa ay upang matulungan ang mga tauhan ng NCRPO na nakakaranas ng malubhang karamdaman tulad ng cancer na bahagi ng naturang kompetisyon na ang lahat na malilikom ay mapupunta sa mga pulis na may kanser.
Naging inspirasyon naman ni Patrolman Sacmar ang kanyang mga magulang upang pagbutihin ang kanyang pagkanta sa nasabing patimpalak.
Nagpapasalamat din siya sa buong pusong pagsuporta ng buong hanay ng kapulisan sa NCRPO sa ilalim ng pamumuno ni Police Major General Jose Melencio Nartatez Jr, Regional Director pati na rin ang malakas na pakikiisa ng komunidad sa isinagawang online voting na naging dahilan upang mapabilang siya sa Top 10 Finalist.
Ipinagmamalaking pambato ng National Capital Region Police Office si Patrolman Sacnar dahil sa pag-awit nito ng madamdamin na nakakaantig sa bawat puso ng mga tagapakinig.
Ipinapangako rin nito na bibigyan niya ng isang napakahusay na pagkanta at kapananabikan ng bawat manonood ang kanyang performance sa darating na Grand Final.
Layunin ng programang ito ng PNP na palakasin ang pagtutulungan at kumpiyansa upang maipamalas ang kanilang angking talento bilang mga alagad ng batas na nagbibigay ng inspirasyon sa bawat isa.
