Naghandog ng maagang pamasko ang pambansang Misis ng Pulis na si Mrs. Rosalie “Lally” Eleazar sa 80 na kababaihang IPs sa Brgy. Nabuklod, Floridablanca, Pampanga noong Oktubre 23, 2021.
Matatamis na ngiti ang isinalubong ng ating mga katutubo sa pagbisita sa kanila ng PNP Officers’ Ladies Club Adviser, Mrs. Rosalie H. Eleazar kasama ang PRO 3 Officers’ Ladies Club sa pangunguna nina Mrs. Analiza Domingo, Adviser at Mrs. Edna Pasamonte, President. Kasama rin ang Pampanga PPO sa ilalim ng pamumuno ni PCol Robin King Sarmiento.
Kasabay ng kanilang pagbisita ay namigay sila ng mga food packs na naglalaman ng bigas, tinapay, ham, isang box ng noodles at Jollibee meal packs sa mga 80 na kababaihang IPs sa nasabing lugar. Labis naman ang pasasalamat ng ating mga kababaihang IPs sa kanilang natanggap na regalo.
Naging matagumpay din ang isinagawang MOA Signing sa pagitan ng Soroptimist International at Brgy. Nabuklod bilang kanilang Adopted Barangay. Ang nasabing kasunduan ay pinirmahan nina Mrs. Lally Eleazar bilang kinatawan ng Soroptimist International at ni Mrs. Casupanan, Brgy. Chairwoman ng Nabuklod.
#####
Article by Patrolwoman Maria Elena S Delos Santos
