Nagsagawa ng outreach program ang mga awtoridad sa mga kabataan ng Sablan na ginanap sa Sablan Municipal Gymnasium, Sablan, Benguet nito lamang ika-9 ng Disyembre 2023.
Ang aktibidad ay pinangunahan ng mga tauhan ng Regional Mobile Force Battalion 15 at RCADD, PRO Cordillera kasama si Police Major Red Chiday, Assistant Chief, Information Communication and Development Division ng Police Community Affairs and Development Group, mga tauhan ng RPCADU Cordillera, Sablan PMP, JMLA Meating Trading, MSEEC at kinatawan ng C&T Builders.
Itinampok sa aktibidad ang pamimigay ng wheelchairs at solar lights sa mga piling benepisyaryo mula sa JMLA Meat Trading, C&T Builders at RMFB 4A.
Bukod pa rito ay nakatanggap din ang mga kabataan ng mga school supplies at tsinelas.
Walang pagsidlan ng tuwa at pasasalamat ang mga benepisyaryo sa maagang pamaskong handog ng mga nasabing grupo.
Samantala, sinisiguro ng Cordillera PNP katuwang ang stakeholders na patuloy ang pagbibigay ng magandang serbisyo sa lahat ng mamamayan at ipadama ang tunay na diwa ng pasko.
Source: RPCADU Cordillera
