Walang tigil ang pagsasagawa at pagbibigay ng mga pamaskong handog ng Revitalized Pulis sa Barangay Iligan para sa mga estudyante ng St. Peter’s College, Brgy. Mainit, Iligan City nito lamang ika-19 ng Disyembre 2023.
Ayon kay Police Lieutenant Colonel Glen Janog, Force Commander ng Iligan City Mobile Force Company, ang nasabing programa ay dinaluhan ng 175 estudyante.
Sa nasabing programa ay nakatanggap ang mga mag-aaral ng loot bags, grocery items, ice cream at gift bags.
Ang PNP ay patuloy na nag-aabot ng serbisyo at tulong sa mga mamamayan at maramdaman ang “Serbisyong CARDO, Serbisyong may Puso” upang mapatibay ang kooperasyon at ugnayan ng pulisya at mamamayan.
