Mambajao, Camiguin – Naging maayos ang pamamahagi ng IEC Materials sa Bulok – Bulok Cemetery, Brgy. Bulok – Bulok, Mambajao, Camiguin Province nito lamang ika-2 ng Nobyembre 2022.
Ang naturang gawain ay pinangunahan ng mga miyembro ng Camiguin Airport Police Station sa ilalim ng direktang pangangasiwa ni Police Lieutenant Charlotte C Margaja.
Ang mga pinamigay na flyers ay nagtataglay ng mga Crime Prevention Tips para sa ligtas na pagdaraos ng UNDAS 2022.
Ang naging hakbangin ng Camiguin PNP ay naglalayong magpakalap ng mga impormasyong makakatulong upang makaiwas sa anumang uri ng kriminalidad ng sa gano’n ay tuluyang makamtam ang iisang mithiin na isang maayos, maunlad at mapayapang lipunan.
