Palawan – Nagsagawa ng feeding program ang mga tauhan ng 1st Palawan, Provincial Mobile Force Company sa Purok Masigasig A at B, Sitio Malalong, Brgy. Pulot Center, Sofronio Española, Palawan noong ika-7 ng Enero 2023.
Pinangunahan ni Police Captain Dhayrius Redondo, Deputy Force Commander sa ilalim ng pangangasiwa ni Police Lieutenant Colonel Eldie Bantal, Force Commander ng 1st Palawan PMFC kasama ang Marine Battalion Landing Team-4, City Environment and National Resources Office, Local Government Unit ng Quezon, Palawan.
Namahagi ang grupo ng food packs at nagsagawa ng feeding program sa 169 na pamilya na naapektuhan ng Low Pressure Area sa nasahing barangay.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang ating mga kababayan na lubos na nangangailangan.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Panulat ni Patrolman Erwin Calaus
