Dimiao, Bohol – Nagsagawa ng Community Outreach Program na “Palugaw ni Ate at Kuyang Pulis” ang mga tauhan ng Dimiao Municipal Police Station sa Barangay Alemania, Dimiao, Bohol nito lamang ika-9 ng Hulyo 2022.
Ang aktibidad ay pinangasiwaan ni Police Lieutenant Jose Oliver M Josol, Chief of Police kasama ang mga tauhan ng Dimiao Municipal Police Station.
Kasabay ng isinagawang pamimigay ng lugaw sa mga bata, binigyan din sila ng tsinelas at mga school supplies na kanilang magagamit sa kanilang pag-aaral at binigyan rin sila ng kaalaman tungkol sa RA 7610 o ang “Special Protection of Children Against Abuse, Exploitation and Discrimination Act”.
Lubos naman ang tuwa at pasasalamat ng mga magulang ng mga bata dahil sa aktibidad ng isinagawa ng mga kapulisan ng Dimiao Municipal Police Station.
Layunin ng Dimiao PNP ay ang maipadama sa kanilang mga residente lalo na sa bata ang malasakit at pagmamahal ng Pambansang Pulisya at mas mapatibay ang naumpisang magandang ugnayan ng kapulisan at ng komunidad.
###
Panulat ni Patrolman Carl Philip L Galido
