Sa kabila ng makabagong teknolohiya, marami pa ring mga lugar lalo na sa mga Geographically Isolated and Disadvantage Areas o GIDAs ang hindi pa naaabot ng elektrisidad. Dahil dito, ang ating mga kapulisan lalo na ang Revitalized-Pulis sa Barangay na patuloy sa paghahatid ng tulong at pagbibigay ng mga kagamitan para matugunan ito.
Ang R-PSB na nakatalaga sa Sitio Campo, Brgy. Balagunan, Santo Tomas, Davao Del Norte sa pamumuno ni PLt Edevene P Quintero sa ilalim ng patnubay ni PLtCol Philip Jefferson S Ayban, FC 2nd DNPMFC ay patuloy sa pamamahagi ng solar lamp at solar lights sa mga residente ng barangay upang mabigyang liwanag ang kani-kanilang mga tahanan at madidilim na bahagi ng kanilang barangay.
Layunin ng grupo na mabigyang proteksiyon ang bawat residente ng lugar lalo na para sa kaligtasan ng mga kabataan tuwing gabi. Ito ay upang maiwasan din ang anumang insidente lalo na sa madidilim na daan kaya ganun na lamang ang kanilang pagbibigay halaga sa pagkakaroon ng liwanag para sa kapakanan ng karamihan.
?RPSBBalagunan
#####
Article by Police Corporal Mary Metche A Moraera
