Davao del Norte – Nagtulong-tulong ang mga tauhan ng Revitalized-Pulis sa Barangay kasama ang mga miyembro ng Kamingawan Farmers Association sa pagtatanim ng mga binhi ng gulay sa Sitio Kamingawan, Palma Gil, Talaingod, Davao del Norte, nito lamang Mayo 23, 2022.
Hindi nag-atubiling tumulong ang mga tauhan ng R-PSB sa pangunguna ni PSSg Adrian Tenaja, Team Leader at sa pangangasiwa ni PMaj Joselito Tan Jr, (Officer-In-Charge) Force Commander, 1st Davao Norte Provincial Mobile Force Company upang mapabilis ang isang buong araw na pagtatanim ng nasabing asosasyon sa pamumuno ni G. Loloy Anlomon.
Ang aktibidad na ito ay naglalayong matulungan ang asosasyon ng mga magsasaka na magkaroon ng karagdagang pagkukuhanan ng pagkain at kita sa kanilang komunidad at ito ay kabilang sa Executive Order No. 70 National Task Force-End Local Communist Armed Conflict sa bansa.
###
Panulat ni Patrolwoman Rose Ann Delmita
