Noong Mayo 17, 2023 naglabas ang Commission En Banc ng COMELEC Resolution No. 10918 patungkol sa mga patakaran at regulasyon sa ipatutupad na Gun Ban sa panahon ng halalan para sa Barangay and Sangguniang Kabataan Election (BSKE) sa Oktubre 30, 2023.
Mayroon namang ibibigay na Certificate of Authority para sa mga mag-aaply ng exemption sa naturang Gun Ban na tatagal mula Agosto 28, 2023 hanggang Nobyembre 29, 2023.
Maliban kung awtorisado ng CBFSC, ipinagbabawal ang mga sumusunod na gawain sa panahon ng halalan:
“1.) To bear, carry, or transport firearms and other deadly weapons outside residence or place of business, and in all public places; 2.) To employ, l, or engage the services of security personnel and bodyguards; and 3,) To transport or deliver firearms and explosives, including its parts, ammunition, and/or components.”
Ang paglabag sa anumang mga ipinagbabawal na gawain sa panahon ng halalan ay itinuturing na Election Offense na parurusahan ng pagkabilanggo na hindi bababa sa isang (1) taon ngunit hindi hihigit sa anim (6) na taon na walang probasyon, permanenteng diskwalipikasyon sa paghawak ng pampublikong pwesto, at pagkait ng karapatan sa pagboto. Kung ang lumabag ay dayuhan, siya ay hahatulan ng deportasyon matapos maglingkod ng kaukulang bilang ng taon sa bilangguan.
Nagsimula naman ng tumanggap ang CBFSC ng application para sa issuance ng Certificate of Authority para sa Gun Ban exemption noong Hunyo 5, 2023 hanggang November 15, 2023.
