Pangasinan – Kasabay ng pagdaraos ng Traditional Monday Flag Raising sa Pangasinan Police Provincial Office ay matagumpay na inilunsad ang Revitalized PNP KASIMBAYANAN na ginanap sa Magilas Multi-Purpose Hall, Camp Gov Antonio U Sison, Libsong West, Lingayen, Pangasinan na ginanap nitong ika- 3 ng Oktubre 2022.
Ang naturang aktibidad ay pinangunahan ng Officer-In-Charge ng Pangasinan PPO, na si Police Colonel Jeff E Fanged kasama ang Provincial Staff, mga Chiefs of Police, Faith-Based Organizations, Advocacy Support Groups at iba pang sektor ng pamahalaan.
Ang Revitalized PNP KASIMBAYANAN ay isang programa ng binubuo ng pagkakaisa at nagtutulungang Kapulisan, Simbahan at Pamayanan na naglalayong pagyamanin at suportahan ang kasalukuyang PNP peace and security framework na M+K+K=K o ang Malasakit, Kaayusan, Kapayapaan tungo sa Kaunlaran.
Sa mensahe na ipinahiwatig ni Director Paulino G Lalata Jr, Provincial Director ng Department of the Interior and Local Government (DILG), na siyang nagsilbing panauhing pandangal at tagapagsalita sa naturang aktibidad, kaniyang ibinahagi ang kahalagahan ng pagtutulungan para sa kapayapaan at kaayusan at paniguradong kasunod nito ay ang kaunlaran.
Naging tampok sa aktibidad ang paglagda ng lahat ng dumalo at naging bahagi sa makabuluhang gawain ng Pledge of Commitment, paglagda ng Memorandum of Understanding (MOU) para sa PNP KASIMBAYANAN at sinundan ng paglalagay ng KASIMBAYANAN pin buttons.
Samantala, ipinahayag at ipinangako naman ng mga kinatawan ng iba’t ibang sektor ng probinsya ang kanilang pakikiisa at isandaang porsiyento na suporta para sa maayos at matagumpay sa pagsasakatuparan ng programa.
Source: Pangasinan PPO
Panulat ni PSSg Vanessa Natividad/RPCADU1
