Eastern Samar – Nagsagawa ng Community Outreach Program ang 1st Eastern Samar Provincial Mobile Force Company (ESPMFC) alinsunod sa paglulunsad ng 27th Police Community Relations Month Celebration sa Sitio Babto, Brgy. Carolina, Can-avid, Eastern Samar nito lamang Lunes, Hulyo 4, 2022.
Ang aktibidad ay pinangunahan ng Police Community Affairs Section ng 1st Eastern Samar PMFC sa ilalim ng pangangasiwa ni Police Lieutenant Colonel Joy G Leanza, Force Commander, kasama si Brgy. Kagawad Hon. Sheene Cris B. Rodelis, at mga kinatawan ng DepEd.
Mahigit 40 na mag-aaral ang nakatanggap ng mga coloring books at krayola. Nakatanggap din ang mga magulang at iba pang bata ng snack bar at juice bilang meryenda.
Nasa 14 naman ang naserbisyohan ng libreng gupit na inaalok ng Mobile Barbershop ng 1st ESPMFC na tinawag na “Libre nga Arot kan FC Sagot”.
Nagbigay aliw naman ang 1st ESPMFC Hoofers sa pamamagitan ng isang “Bodutz Challenge” na sinabayan din ng mga kabataan at nagkaroon din parlor games na may cash prize para sa mga nanalo.
Lubos na pasasalamat naman ang natanggap ng mga kapulisan ng 1st ESPMFC mula sa mga residente dahil sa kauna-unahang pagkakataon, nagkaroon ng ganoong aktibidad sa kanilang barangay.
Sinisiguro naman ng 1st Eastern Samar PMFC na hindi ito ang huling pagbisita nila at masusundan pa ito ng mas maraming aktibidad.
###
Panulat ni Patrolwoman Rialyn B Valdez
