Iligan City (January 28, 2022) – Nagsagawa ng blessing at ribbon cutting ceremony ang Iligan City Police Office ng Police Regional Office 10 (PRO 10) sa pamumuno ni Police Colonel Dominador Estrada sa kanilang pinakabagong opisina upang makakuha ng National Police Clearance (NPC) sa loob mismo ng isang kilalang mall sa sentro mismo ng lungsod noong Enero 28, 2022.
Matatagpuan ang NPC office sa 3rd floor Robinsons Place, Macapagal Avenue, Iligan City. Dinaluhan ito ni PRO 10 Deputy Regional Director for Administration, Police Brigadier General Ronaldo Cabral.
“Ang buong hanay ng PRO 10 sa pamumuno ni Police Brigadier General Benjamin Acorda ay nagpapasalamat sa matatag na partnership ng PNP at mga private corporations. The PNP continuous to do its mandate because the organization has valuable partners in the community, just like the Robinsons Corporation”, saad ni PBGen Cabral
Ang National Police Clearance office ay bunga ng magandang ugnayan ng pamunuan ng Robinsons sa tulong ni Mr. Danilo Camat, ang Regional Operations Manager ng Robinsons Place at ni Ms. Jazzie Gallemit, ang Mall Operations Manager. Ibinigay ito ng libre at nasa loob mismo ng mall upang maging conducive sa mga kukuha ng importanteng dokumento.
Lubos na nagpasalamat si Police Colonel Dominador Estrada, Iligan City Director, sa lahat ng tumulong upang maisakatuparan ang programa na naglalayong mapalapit at mapadali ang isa sa pangunahing serbisyo ng kapulisan para sa ating mga kababayan.
####
Panulat ni NUP Sheena Lyn M Palconite, RPCADU 10
