Butong, Quezon – Nauwi sa engkwentro ang paghahain ng Warrant of Arrest ng Quezon at Bukidnon PNP sa isang Wanted Person sa Purok 22 Butong, Quezon, Bukidnon nito lamang Linggo, Agosto 21, 2022.
Ayon kay Police Major Noel Cano, Officer-In-Charge ng Quezon Municipal Police Station, bandang 6:30 ng gabi nang ihain ang Warrant of Arrest sa kasong Frustrated Murder laban sa suspek.
Nang namataan ang grupo ng awtoridad, bigla na lamang nagpaputok ang suspek gamit ang Cal. 45 dahilan upang makipagpalitan ng putok ang mga operatiba ng Quezon Municipal Police Station at Bukidnon Police Provincial Office.
Tumagal ng halos 20 minuto ang engkwentro na nagresulta ng pagkamatay ng mga suspek na sina Joseph Pateres y Aguilar alyas “Dodong Gonzaga Tatao”, 39, residente ng Purok 22, Butong, Quezon, Bukidnon; live-in partner ng suspek na si Marissa Libringka, at Jun Plaza.
Samantala, nagtamo ng tama ng bala sa kaliwang kamay ang isang operatiba at kasalukuyang nagpapagamot sa Malaybalay Polymedic Hospital.
Narekober sa engkwentro ang isang Cal. 45, isang hand grenade, isang pakete ng hinihinalang shabu na may timbang na 1.0 gram na tinatayang nagkakahalaga ng Php 6,800, isang Cal. 38 revolver.
Patuloy ang Pambansang Pulisya sa pagpapaigting sa pagpapatupad ng sinumpaang tungkulin upang tiyakin ang kapayapaan ng komunidad tungo sa pag-unlad.
###
Panulat ni Patrolman Joshua Fajardo/RPCADU 10
