Masayang tinanggap nina Jonas Besoy at Terry Ann Eduardo ang kanilang bagong wheelchair mula sa Ambaguio Police Station, Ambaguio, Nueva Vizcaya.
Hindi alintana ng mga kapulisan ang paglalakad ng malayo sa bulubunduking bahagi ng Sitio Kalutit at Sitio Nalay-an ng Barangay Labang, maihatid lamang ang dalawang (2) wheelchair para sa mga benepisyaryo nitong may sakit na cerebral palsy.
Matapos makita ang kalagayan ng dalawang bata ay humingi ng tulong ang Ambaguio PS sa tanggapan ng gobernador upang mabigyan sila ng bagong wheelchair at agad naman itong inaprubahan.
Bukod sa mga wheelchair, namahagi rin ang kapulisan ng bitamina at gatas para kina Jonas at Terry Ann.
Labis naman ang tuwa at pasasalamat ng pamilya ng mga benepisyaryo.
#####
Panulat ni: Police Corporal Josephine T Blanche
