Isabela – Matagumpay ang naging pagbisita ni PLtGen Rhodel O Sermonia, The Acting Deputy Chief PNP for Administration (TADCA) sa Camp Lt. Rosauro Toda Jr. Brgy. Baligatan, Ilagan City, Isabela noong ika-17 ng Enero 2023.
Mainit ang naging pagtanggap ng mga kapulisan kay PLtGen Sermonia at naging masaya ang pakikipag-usap niya sa mga ito. Payo niya sa kapulisan ang pagiging tapat sa paninilbihan sa bayan sapagka’t ito ang pinakatanging ambag ng isang pulis sa organisasyon na kailanman ay hindi matutumbasan ng anumang halaga ng salapi at siyang tanging mabuting huwaran ng mga susunod pang henerasyon.
Pinuri niya ang maayos na pamumuno ni PBGen Rumbaoa sa PRO2 at PCol Go sa lalawigan ng Isabela. Binanggit din niya ang mga ibang kagamitan sa mga opisina na maaaring matugunan ng organisasyon upang mas lalo pang mapabilis at matiyak ang kaayusan ng trabaho.
Nais ni PLtGen Sermonia na maitaas ang moralidad at integridad ng kapulisan kaya naman mahalaga sa kanya na maibigay at mapabuti ang mga kagamitan para sa paninilbihan sa bayan. Masigabong palakpakan at ngiti sa labi ng kapulisan ang naidulot ng naturang pagbisita.
Source: Isabela PPO, PIO
Panulat ni PSSg Jerlyn V Animos
