General Santos City – Isinagawa ang pagbabasbas at pamamahagi ng mga Newly Procured PNP Equipment na 300 yunit ng 9mm Striker Fired Pistol “GIRSAN” nitong Lunes, ika-19 ng Setyembre 2022 na isinagawa sa Grandstand, PRO 12, Tambler, General Santos City.
Ayon kay Police Brigadier General Jimili L Macaraeg, Regional Director ng Police Regional Office 12, nagmula sa PNP Capability Enhancement Program ang ginamit na pondo ng Philippine National Police sa pagbili ng mga naturang kagamitan na ibibigay sa mga kapulisan ng Regional Mobile Force Battalion 12 at sa City at Police Provincial Office ng Rehiyong 12.
Pinangunahan naman ni Police Lieutenant Colonel Randell V Cinches, Regional Pastoral Officer 12 ang pagbabasbas ng bagong kagamitan.
Pakiusap at paalala ng Pambansang Pulisya sa magiging recipient ng mga bagong equipment na panatilihin ang kaayusan upang higit na makatulong sa pagsasagawa ng sinumpaang tungkulin.
Source: Police Regional Office 12 – Public Information Office
Panulat ni Patrolman Khnerwin Jay A Medelin
