Muling nagbahagi ng kaalaman patungkol sa ilegal na droga ang Regional Police Community Affairs and Development Unit 3 para sa mga mag-aaral ng San Nicolas Integrated School sa Barangay San Nicolas, City of San Fernando, Pampanga nito lamang Biyernes, ika-27 ng Setyembre 2024.
Matagumpay ang aktibidad sa ilalim ng pamumuno ni Police Lieutenant Colonel Raquel M Pagnas, Officer-In-Charge ng RPCADU 3.
Labis ang pasasalamat ng mga estudyante sa natutunan kung paano makakaiwas at mas mapabuti ang kanilang pag-aaral para sa kanilang kinabukasan.
Layunin ng aktibidad na ito na palawakin ang kaalaman tungkol sa masasamang epekto ng paggamit ng ilegal na droga at magtaguyod ng maayos na pamumuhay.
Sa pamamagitan ng programa, inaasahang magiging responsableng mamamayan na tutulong sa pagsugpo sa problema ng ilegal na droga sa kanilang komunidad.
Panulat ni Pat Nikki Lyra Cinderella Barbero
