Laoag City, Ilocos Norte – Isinagawa ng Ilocos Norte PNP ang Padyakan sa Police Provincial Office 1 Ilocos Norte Leg kaugnay sa Secure, Accurate, Free/Fair National and Local Elections 2022 noong Abril 30, 2022.
Ang aktibidad ay pinangunahan ni Provincial Director, Police Colonel Julius Suriben ng Ilocos Norte Police Provincial Office at dinaluhan ni Deputy Regional Director for Operation, Police Colonel Carlito Gaces ng Police Regional Office 1 at Atty. Joel J Gines, Provincial Election Supervisor ng Ilocos Norte.
Ang Ilocos Norte Police Provincial Office ay siyang huling nagdaos ng Padyakan ng Police Regional Office 1 na nilahukan ng mga kinatawan mula sa panlalawigang tanggapan ng mga pambansang ahensya ng pamahalaan kasama ang iba pang mga mahilig sa biking ng buong lalawigan.
Ang nasabing aktibidad ay sinimulan sa Imelda Marcos Cultural Center, Batac City at nagtapos sa Camp Valentin S Juan, Ilocos Norte Police Provincial Office.
Samantala, nagsagawa din ng perimeter area security ang Ilocos Norte PNP upang masigurado ang seguridad ng mga lumahok na bikers.
Ang layong 22 kilometers na ruta ay payapang naidaos ng 400 kalahok ng aktibidad.
Layunin nitong isulong ang pagkakaisa ng lahat ng sektor upang magtulungan para sa mapayapa, maayos at malinis na halalan sa darating na ika-9 ng Mayo 2022.
Source: INPPO
###
Panulat ni PSSg Lhenee B Valerio
