Abra – Iginawad sa isang pamilya ang libreng Pabahay Project ng Abra PNP sa Brgy. Santa Rosa, Bangued, Abra nito lamang ika-15 ng Pebrero 2023.
Ayon kay Police Colonel Maly Castillo Cula, Provincial Director ng Abra PPO, naging benepisyaryo ng kanilang proyekto ang pamilya ni Ginoong Pedro Rapinian, 33, may sakit, residente ng nasabing lugar, may asawa at may tatlong anak at walang kaukulang na pampagawa ng bahay.
Ayon pa kay PCol Cula, naisakatuparan ang Pabahay Project bilang parte ng adbokasiya niya para makapamahagi ng tahanan sa mga mamamayan na higit na nangangailangan sa tulong ng Adventures V1.
“We were inspired to carry out this project out of our desire to bring forth decent home for our less fortunate fellowmen because we believe that it is where a good citizen springs from,” dagdag ni PCol Cula.
Samantala, masayang tinanggap ng mga benepisyaryo ang libreng Pabahay Project at mga grocery items.
Lubos na nagpapasalamat ang naturang pamilya sa mga kapulisan dahil sa pagsasagawa ng naturang proyekto na nagbigay sa kanila ng maayos at disenteng tirahan.
Source: Abra Police Provincial Office
Panulat ni Pat Raffin Jude Suaya
