Sta. Elena, Camarines Norte – Muling isinakatuparan ang Pabahay Program na bahagi ng Project E.L.E.N.A. o ang (Enhanced Law Enforcers Neighborhood Assistance) ng Sta. Elena Municipal Police Station sa isang pamilya sa Purok 4, Barangay San Pedro, Sta. Elena, Camarines Norte nito lamang Setyembre 19, 2022.
Ang nasabing programa ay isa sa Best Practices ng nasabing himpilan sa pamumuno ni Police Major Alexander S. Alvarez, Officer-In-Charge katuwang ang Lokal na Pamahalaan ng Sta. Elena sa pamumuno ni Hon. Bernandina E. Borja, Municipal Mayor, Sangguniang Bayan ng Sta. Elena, Municipal Advisory Group (MAG), Sangguniang Barangay ng San Pedro, Crusaders Guardians Brotherhood International Inc. (CGBII), Guardians of the Philippines Inc. (GPII), Kabalikat Civicom 138, Public Assistance for Rescue, Disaster and Support Services, Foundation International Inc. (PARDSS-FII), BG Base Riders, Tau Gamma Phi/ Sigma- Sta. Elena CBC, Spirit in Motion Dance Group (SMDG), Bureau of Fire Protection (BFP) at Philippine Army.
Naging benepisyaryo ng nabanggit na programa ay ang mag-asawang sina Ginoong Felix Napoles at Ginang Marites Jacob na walang pagsidlan ng kasiyahan at pasasalamat sa kanilang natanggap na maagang pamasko mula sa inisyatibong programa ng PNP.
“Makakaasa po kayo na magpapatuloy pa itong proyektong ito upang makapaghatid pa ng mas maraming tulong at serbisyo sa ating komunidad.
Ako at sampu ng aking kasamahan ay taos pusong nagpapasalamat sa lahat ng sumuporta upang maging matagumpay ang aktibidad na ito. Tulong- tulong po tayo!”, pahayag ni PMaj Alvarez.
Source: Sta Elena Municipal Police Station CNPPO
Panulat ni Pat Rodel Grecia
