Pinapurihan ni Philippine National Police (PNP) Chief, Police General Guillermo Lorenzo T. Eleazar ang matagumpay na anti-illegal drugs operation sa Cebu kung saan sinira ang P20.6-milyon halaga ng marijuana.
Nadiskubre ng mga tauhan ng PNP, Armed Forces of the Philippines at Philippine Drug Enforcement Agency ang tatlong (3) plantasyon ng marijuana sa bayan ng Balamban at Toledo City sa Cebu.
“I commend all the law enforcement personnel who were involved in this operation. Dahil sa patuloy na pagtutulungan ng PNP at ng PDEA, nagiging matagumpay ang ating mga operasyon laban sa iligal na droga. Makakaasa ang publiko na magpapatuloy ang dalawang ahensya sa pagsupil sa iligal na droga,” wika ni PGen Eleazar.
Ayon sa awtoridad, nakatakas ang tagapamahala ng plantasyon sa Bambalan na si Rodrigo Cabilles, gayundin sina Ernie Lagaza at Enyoy Zabate na mga tagapamahala naman ng plantasyon sa Toledo City.
Nahaharap ang tatlong (3) suspek sa kasong paglabag sa RA 9165 o Comprehensive Dangerous Drugs Act of 2002.
Kasalukuyan ang manhunt operation ng PNP at PDEA upang madakip ang mga suspek. Iniimbestigahan din ang kanilang background upang malaman kung may iba pa silang kasabwat at kung saan dinadala ang mga marijuana.
Photo Courtesy: PDEA Regional Office VII
####
Article by Police Corporal Josephine T Blanche
