Eastern Samar – Muling umarangkada ang P.N.P. C.A.R.E.S., Mobile Barbershop at Mobile Canteen ng 1st Eastern Samar Provincial Mobile Force Company sa Brgy. San Isidro, Dolores, Eastern Samar noong Linggo, Setyembre 18, 2022.
Ang aktibidad ay pinangunahan ng Class Pinagsarig na nakatalaga sa 1st Eastern Samar PMFC kasama ang PCAS Team sa pangunguna ni Police Lieutenant Angelyn Glou A Cortado, PCAS Officer sa pamumuno ni Police Lieutenant Colonel Joy G Leanza, Force Commander.
Ang naturang aktibidad ay isinagawa bilang pagdiriwang sa ika-3 anibersaryo ng Class Pinagsarig sa serbisyo at naging benepisyaryo nito ang Day Care, Kinder at Grade 1 to Grade 6 pupils ng San Isidro Elementary School.
Ang mga bata ay nakatanggap ng Pencil, Notebook, Paper, Crayons, Artbook, Ruler, Eraser and Sharpeners (P.N.P. C.A.R.E.S.), libreng gupit at libreng meryenda.
Dumalo rin si Hon. Maria Leni R. Tan, miyembro ng Company Advisory Group for Police Transformation and Development at Hon. Wilson C. Forteza, Chairman ng Advocacy Support Group at Force Multipliers ng Brgy. San Isidro.
Lubos na pasasalamat naman ang natanggap ng kapulisan mula kay Hon. Forteza, Ms. Cleofe S. Cabangonay, Teacher in Charge at sa mga magulang ng mga bata sa pagpili ng kanilang barangay bilang benepisyaryo ng kanilang programa.
Tinitiyak ni PLtCol Leanza na patuloy ang kanilang pagbisita sa mga Geographically Isolated and Disadvantaged Area upang maghatid at magbigay serbisyo para sa mga mas nangangailangan lalo na sa mga bata.
Panulat ni Patrolwoman Rialyn B Valdez
