Matagumpay na isinagawa ng Regional Mobile Force Company (RMFB) 2 ang Outreach Program para sa mga katutubong Agta kasama ang mga Non-Government Organizations (NGOs) sa Barangay San Lorenzo, Lallo, Cagayan noong ika-21 ng Setyembre 2024.
Ang aktibidad ay pinamunuan ni Police Lieutenant Colonel Virgilio Abella Jr, Acting Force Commander ng RMFB 2 katuwang sina Mr. Florante B. Baylon ng Tuguegarao City Heritage Group, Z-Fitness Group Inc., Samahang Ilokano (Lal-lo Chapter), at Peer Helpers Organization.
Umabot naman sa 100 katao na miyembro ng Agta – Community ang masayang nakatanggap ng tulong at nakatanggap naman ang mga batang Agta ng Christmas Gifts tulad ng mga laruan, munting papremyo mula Dancing Mascot sa sayawan na siyang nagbigay kasiyahan sa mga bata.
Handog para sa kanila ang libreng gupit, food packs, grocery items at mga damit para sa kanilang mga pamilya. Laking pasasalamat naman ng mga benepisyaryo sa tulong na ipinaabot ng mga kapulisan ng Rehiyon Dos kasama ang mga NGOs.
Layunin ng aktibidad na magbigay ng makabuluhang tulong sa mga kababayan nating nasa malalayong lugar na nangangailangan, lalo na sa aspeto ng kalusugan, edukasyon, at kabuhayan.
Sa pamamagitan ng mga programang ito, naitataguyod ang pagkakaisa at kooperasyon ng bawat isa at naitataas ang antas ng kamalayan at pag-unlad.
Ang outreach program ay hindi lamang naglalayong tugunan ang mga agarang pangangailangan, kundi pati na rin ang pagbuo ng mas matibay na pundasyon ng mamamayan at kapulisan tungo sa mas maayos, maunlad at mapayapang Bagong Pilipinas.
Source: RMFB2
Panulat ni Pat Richelle B Ledesma
