Benguet – Nagsagawa ng Outreach Activity ang Public Safety Basic Recruit Course (PSBRC) Class 2016-01 and 02 “MAKATINDIG-MATINDIG” sa Tabu Elementary School, Dalupirip, Itogon, Benguet ng ika-10 at 11 ng Hulyo 2023.
Ang aktibidad ay pinangunahan ng mga miyembro ng Class “MAKATINDIG-MATINDIG” na naka-assign sa Regional Headquarters, Benguet Police Provincial Office, Regional Mobile Force Battalion 15, RACU-COR, RECU-COR at RMDU-COR.
Tampok sa aktibidad ang pagbigay ng mga construction materials at office supply para sa paaralan at mga guro.
Tumanggap din ng mga school supplies ang 86 na estudyante ng nasabing paaralan.
Dagdag pa rito, ang pagtatanim ng mga fruit-bearing trees sa paligid ng paaralan na sinundan naman ng lecture ukol sa Anti-Cybercrime para sa mga magulang, guro at estudyante.
Ang aktibidad ay alinsunod sa pagdiriwang ng ika-7 anibersaryo ng Class “MAKATINDIG-MATINDIG” na naglalayong palakasin ang pakikipag-ugnayan at pagtutulungan ng komunidad at kapulisan tungo sa pagkamit ng kapayapaan.
