Romblon – Nagsagawa ng Outreach Program ang mga kapulisan ng Odiongan Municipal Police Station sa Barangay Dapawan, Odiongan, Romblon noong ika-8 ng Enero 2024.
Ang aktibidad ay pinangunahan ni Police Captain Dennis Rivera, Officer-In-Charge ng Odiongan MPS kasama ang mga tauhan nito.
Ipinagkaloob ng mga kapulisan sa naturang programa ang mga kagamitan pang-eskwela sa mga mag-aaral ng Paulino Fetalino Fabon Sr Memorial School.
Ang mga kagamitang ipinamahagi ay mga pangunahing pangangailangan ng mga estudyante na kanilang magagamit sa pag-aaral.
Ang PNP ay laging nandiyan para tumulong at magbigay serbisyo at para patatagin ang ugnayan ng pulisya at paaralan sa nabanggit na barangay.
Panulat ni Patrolwoman Ana Rose D Guadana
