Quirino – Muling umarangkada ang Outreach Program na isinagawa ng Nagtipunan Police Station sa Child Development Center ng Nagtipunan, Quirino noong Huwebes, ika-22 ng Hunyo 2023.
Ayon kay Police Major Quintin Baquiran, Officer-In-Charge ng Nagtipunan Police Station, nasa 30 na mag-aaral ang naging benepisyaryo ng aktibidad.
Masayang tinanggap ng mga bata ang mga school supplies, hygiene kits at nagkaroon din ng feeding program na nakadagdag saya.
Layunin ng programa na matulungan ang mga batang mag-aaral at ipadama sa kanila na ang mga kapulisan ay kanilang kaibigan at hindi dapat katakutan.
Naging makabuluhan ang aktibidad sa pagtutulungan ng Nagtipunan PNP, mga guro ng nabanggit na paaralan, mga opisyal ng Barangay, at Advocacy Support Groups.
Ang Pambansang Pulisya ay patuloy na maghahatid ng serbisyong may malasakit sa kapwa.
Source: Nagtipunan Police Station
