Bontoc, Mountain Province – Isinagawa ang Community Outreach Program ng Mountain Province PNP sa Sitio Chapyusen, Brgy. Cañeo, Bontoc, Mountain Province nito lamang ika-1 ng Oktubre, 2022.
Ang aktibidad ay pinangunahan ni Police Major Alyson Kalang-Ad, Force Commander ng 2nd Mountain Province Mobile Force Company sa ilalim ng liderato ni Police Colonel Rey Antolin de Peralta, Officer-In-Charge ng Mountain Province Police Provincial Office.
Katuwang sa nasabing aktibidad ang Company Advisory Group for Police Transformation and Development (CAGPTD), Red Cross-Mt. Province, SK-Samoki, Bontoc, at Mountain Province Provincial Medical and Dental Unit (MPPMDU).
Ang nasabing grupo ay nakapagbigay ng tulong at serbisyo kung saan 31 na mag-aaral ng Chapyusen Multi-grade School ang kanilang naging pangunahing benepisyaryo ng “Oral Dental Care” lecture, fluoride varnish application, at pamamahagi ng oral dental kits, anti-bacterial soaps at school supplies.
Bukod pa rito ay naisagawa rin ang libreng gupit, lecture ukol sa anti-terrorism, pag-iwas sa dengue, proper handwashing at feeding program.
Samantala, pasasalamat naman ang naging tugon ng mga benepisyaryo sa hatid na tulong at serbisyo ng Mountain Province PNP sa kabila ng mahigit isang oras na paglalakad sa makitid na “foot trail” sa paanan ng bundok patungo sa lugar.
Layunin ng Mountain Province PNP na mas paigtingin ang naumpisahang magandang ugnayan, makapagbigay ng tulong at maipadama ang malasakit at pagmamahal sa mga residente ng nasasakupan.
Source: Mountain Province Police Provincial Office – PIO
