Nagsagawa ang mga tauhan ng 1st Iloilo Provincial Mobile Force Company sa pangunguna ni PSMS Jorry Toledo sa ilalim ng pangangasiwa ni Police Major Joeven Arevalo ng Outreach Program na ginanap sa Barosong Elementary School, Brgy. Barosong, Tigbauan, Iloilo nitong ika-14 ng Nobyembre 2022.
Ang naturang aktibidad ay kaugnay sa pagdiriwang ng ika-30th National Children’s Month Nationwide nitong buwan ng Nobyembre 2022 na may temang “Kalusugan, Kaisipan at Kapakanan ng Bawat Bata Ating Tutukan!”.
Malugod na tinanggap ng Faculty at Staff ng Barosong Elementary School sa pamumuno ni Ginang Jenilyn Taba, Head Teacher Ill at sinamahan ang ating kapulisan sa pamimigay ng mga regalo tulad ng mga school supplies, facemask kasabay nito ang pagpapakain sa mga 34 na mag-aaral ng Kindergarten at Grade 1 ng nasabing paaralan.
Layunin ng aktibidad na itaguyod ang pagiging makabansa sa ating mga mag-aaral gayundin ang pagbuo ng maayos na ugnayan sa komunidad lalo na sa henerasyon ng mga kabataan ngayon.
