Naghatid saya sa ating mga kababayan ang isinagawang Community Outreach Program mula sa Quirino Police Provincial Office Ladies Club sa Brgy. Asaklat, Nagtipunan, Quirino nito lamang March 16, 2023.
Ayon kay Ms. Floreen D Pasicolan, OLC Adviser, naisakatuparan ang aktibidad kaugnay sa pagdiriwang ng National Women’s Month na may temang ” We for Gender Equality and Inclusive Society” kasama ang kababaihan ng QPPO at mga police stations sa pakikipagtulungan ng lokal na pamahalan ng Nagtipunan at mga stakeholders nito.
Dinaluhan naman ng mga residente ang mga serbisyong dala ng grupo tulad ng feeding program, free dental check-up at pamamahagi ng gamot sa pakikipagtulungan ng LGU Nagtipunan.
Bilang bahagi ng pagkakaisa ng mga kababaihan ng QPPO Ladies club naghandog din sila ng intermission number at dance fitness activity na talaga namang nagbigay ngiti at saya sa mga manunuod na dumalo.
Umabot naman sa 350 ang mga naging benepisyaryo sa aktibidad, kasama ang feeding program, libreng gupit, pamamahagi ng damit at tsinelas sa mga kabataan.
Tiniyak naman ng QPPO Ladies Club na mas magiging produktibo pa at mas lalong palalawakin ang serbisyong ipapaabot nila lalo na sa mga Quirinians, upang mas maipadama ang malasakit at magkaroon ng mas matibay na ugnayan sa komunidad.
Panulat ni PSSg Jeff John Nabasa
