Pasay City – Arestado ng magkasanib na pwersa ng Pasay City Police Warrant Section at AVSEU NCR NAIA Police Station 4 (NAIA PS4) ang isang pasahero ng NAIA sa kasong paglabag sa R.A 7610 sa isinagawang joint service of Arrest Warrant kaninang umaga, Pebrero 10, 2023, sa Domestic Departure Entrance ng NAIA Terminal 4, Pasay City.
Naisagawa ang paghahain ng naturang warrant matapos makipag-ugnayan sina PSSg Isidro Garcia Constantino Jr at PSSg Erwin Alayon Tubat ng Pasay City Police Warrant Section sa NAIA Police Station 4, sa pangunguna ni PMaj Adriel Esparagoza, Officer-In-Charge, tungkol sa pag-alis ng suspek sa nasabing paliparan.
Ayon kay Police Colonel Rhoderick Campo, Hepe ng AVSEU NCR, ang suspek ay isang outbound passenger patungong Davao.
Pinuri naman ng Pinuno ng PNP AVSEGROUP na si PBGen Anthony A Aberin ang naging matagumpay na pagtutulungan ng mga naturang awtoridad na humantong sa pagkakaaresto ng suspek.
“Hindi kami titigil sa pakikipag-ugnayan at pagtulong sa iba’t ibang ahensya sa mga paliparan upang maaresto ang mga indibidwal na dumaraan sa paliparan na may kaso o Warrant of Arrest,” dagdag ni PBGen Aberin.
