Matagumpay na nailipat ng mga tauhan ng Orani Municipal Police Station ang mga pamilyang apektado ng bagyong Kristine patungo sa itinalagang evacuation center matapos ang isang rescue operation sa Barangay Mulawin, Orani, Bataan nito lamang Miyerkules, ika-23 ng Oktubre 2024.
Ang naturang operasyon ay pinangunahan ni Police Captain Harold F Genetiano, Officer-In-Charge ng Orani MPS.
Ang mabilis at maayos na aksyon ng Orani PNP ay nagbigay-daan upang masiguro ang kaligtasan at seguridad ng mga pamilyang naapektuhan sa gitna ng krisis.
Ang epektibong pagtugon ay nagpapakita ng dedikasyon at kahandaan ng mga tauhan ng pulisya sa pagtugon sa mga emergency at pangangalaga sa kapakanan ng komunidad.
Patuloy na pinapahalagahan ng Orani PNP ang kaligtasan at seguridad ng publiko, ipinapakita ang kanilang malasakit at serbisyo para sa kapayapaan at kaayusan, lalo na sa mga oras ng pangangailangan.
