Patay ang isang suspek matapos mamaril ng mga pulis sa isinagawang Oplan Sita ng Taytay PNP sa Blk 14, Purok 4 Lupang Arenda, Barangay Sta. Ana, Taytay, Rizal nito lamang ika-17 ng Agosto 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang suspek na si alyas “Joseph”, 39 taong gulang, residente ng Barangay Pinagbuhatan, Pasig City.
Ayon kay PCol Maraggun, nangyari ang pamamaril bandang 1:30 ng umaga habang nagsasagawa ng Oplan Sita ang mga operatiba ng Taytay Municipal Police Station kasama ang mga barangay tanod.
Ang suspek na kinilalang si alyas “Joseph” ay umiwas sa isinagawang Oplan Sita ng mga awtoridad at nagpatakbo ng mabilis gamit ang kanyang motorsiklo na nauwi sa habulan. Habang naghahabulan ang suspek ay bumunot ng baril at pinagbabaril ang mga humahabol na pulis at ito naman ang nad-udyok sa mga pulis na barilin ang suspek.
Ang suspek ay nagtamo ng tama ng baril sa kanyang katawan at agad naman na dinala sa pinakamalapit na hospital ngunit idineklara din itong dead on arrival.
Nakumpiska sa pinangyarihan ng krimen ang isang unit ng Cal. 45 Armscor, dalawang magasin ng Cal. 45, isang bala, apat na basyo ng bala ng Cal. 45 at apat na basyo ng bala ng Cal. 5.56.
Nalaman din na ang suspek ay dating naaresto ng mga tauhan ng Taytay PNP sa kasong paglabag sa Section 5 at 11 ng Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Sa kasalukuyan ay patuloy ang imbestigasyon ng kapulisan ng Rizal sa nangyaring krimen at titignan pa ang mga posibilidad na may kaugnayan ang suspek sa ilegal na droga.
Screengrab from GMA 7
