Kabacan, North Cotabato – Nahuli ang 98 motorsiklo at ang ibang mga driver nito ay kinumpiska ang Driver’s License sa isinagawang “Oplan Lambat Bitag Sasakyan” laban sa mga ilegal o colorum na sasakyan sa Kabacan, North Cotabato nito lamang Agosto 11, 2022.
Pinangunahan ng mga tauhan ng Kabacan Municipal Police Station, Carmen MPS, M’lang MPS, Matalam MPS, Tulunan MPS, Provincial Mobile Force Company, HPG, Traffic Management Unit at mga BPAT Volunteer ang pagsasagawa ng Lambat Bitag.
Ayon kay PLtCol Bernard Tayong, DPDO ng Cotabato Police Provincial Office, binigyan ng Temporary Operators Permit (TOP) ang mga nahuli habang ang mga motorsiklong na-impound ay ibeberipika at hihintayin ang mga may-ari na ayusin at bayaran ang mga kaukulang penalty sa opisina ng Land Transportation Office (LTO) para maiuwi ang kani-kanilang sasakyan.
Ayok pa kay PLtCol Tayong, nangunguna pa rin sa paglabag sa batas trapiko o RA 4136 ay ang pagmamaneho ng sasakyan na walang kaukulang lisensya at ang hindi pag-update o pag-rerenew ng OR/CR ng mga sasakyan.
“Lagi lamang pong tandaan na ang “Oplan Lambat Bitag Sasakyan” ay isinasagawa ng inyong kapulisan hindi bilang pahirap sa ating motorista kundi ito po ay ating ipinatutupad na may layuning mapanatiling ligtas ang ating mga biyahero at mamamayan sa lungsod ng Kidapawan. Ipinagbabawal natin ang walang mga plaka sapagkat kadalasan itong nasasangkot sa mga krimen na ginagamit bilang get-away vehicle at iyong mga maiingay sa daan o mga bora-bora na motorsiklo na madalas laman ng mga reklamo sa ating himpilan”, ani PLtCol Tayong.
“Nawa ay patuloy po tayong suportahan ng ating mamamayan sa pagpapatupad ng batas na ito para sa pangkalahatang katiwasayan ng ating lungsod”, dagdag pa ni PLtCol Tayong.
###
Panulat ni Patrolman Khnerwin Jay A Medelin
