Lanao del Sur – Nagsagawa ng OPLAN “Katok ng Biyaya” ang mga kapulisan ng Lanao del Sur Police Provincial Office sa mga residente ng Saguiaran, Lanao del Sur nito lamang ika-19 ng Hulyo 2023.
Ang naturang aktibidad ay pinangunahan ni Police Major Alinaid Moner, Chief, Provincial Community Affairs and Development Unit sa ilalim ng pangangasiwa ni Police Colonel Robert Daculan, Provincial Director ng Lanao del Sur PPO.
Naging benepisyaryo ng naturang aktibidad ang mga pinakamahihirap sa ilang barangay ng naturang munisipyo na nakatanggap ng isang sakong bigas kada pamilya.
Lubos naman ang pasasalamat ng mga naging benepisyaryo dahil sa tulong na kanilang natanggap mula sa Lanao del Sur PNP.
Samantala, ang ganitong uri ng aktibidad ay nagpapatunay lamang sa pagmamahal at malasakit ng Pambansang Pulisya sa ating mga kababayan at nagpapakita din ng matatag na relasyon ng PNP at ng komunidad tungo sa ligtas at maunlad na pamayanan.
Panulat ni Patrolman Charlie Nasroden Corpuz
