Inilunsad ng Kapalong Municipal Police Station ang Oplan Kapkap noong Setyembre 21, 2024 sa iba’t ibang lugar ng pagtitipon sa Poblacion, Maniki, Kapalong, Davao del Norte.
Sa ilalim ng pamumuno ni Police Major Joel Caesar V Cabe, Chief of Police ng Kapalong Municipal Police Station, tiniyak ng mga tauhan ng nasabing istasyon ang seguridad sa Poblacion matapos ng mga ito pagsabayin ang mobile patrol sa paglunsad ng Oplan Kapkap.
Ang mga pagsisikap na ito ay bahagi ng aktibidad laban sa kriminalidad, anti-terrorism at NTF-ELCAC upang matiyak ang seguridad at kaligtasan ng publiko.
Samantala, patuloy namang nakikipag-ugnayan ang mga tauhan ng Police Regional Office 11 sa iba’t ibang pampubliko at pribadong opisina upang matiyak ang mas epektibo na pagpapatupad ng batas sa rehiyon onse.
Panulat ni Pat Shairra Rose A Aquino
