Kidapawan, Cotabato – Idinaos ng Kidapawan PNP ang Oplan Kalinaw Reloaded upang magpaabot ng iba’t ibang serbisyo sa Brgy. Marbel, Kidapawan City noong Ika-23 ng Hunyo 2022.
Pinangunahan ni PCpt Gaspar Maguiwe, Deputy Chief of Police ng Kidapawan City Police Station, ang pagsasagawa ng naturang aktibidad kasama ang mga iba’t ibang Advocacy Support Group, Barangay Officials, 39th Infantry Battalion, Philippine Army, Technical Philippine Statistics Authority at Land Transportation Office.
Humigit kumulang 125 na indibidwal ang nakatanggap ng libreng Medical Services at pagkain, Project Washes (Wellness Advocacy Sanitation and Health Elementary School), at mga pares ng tsinelas, school supplies at grocery packs.
Habang LTO Licensing Information Drive, Civil Documents Processing at Community Anti – Terrorism Awareness ang ibinahagi ng mga kawani ng LTO, PSA at 39th IB PA.
Samantala, sumuporta rin ang Sangguniang Kabataan na miyembro ng Advisory Support Group – KKDAT sa isinagawang tree-planting activity.
Puno ng kasiyahan at pasasalamat ng hindi mabilang na naging benepisyaryo sa naturang programa sa tulong ng ating gobyerno at mga iba’t ibang grupo.
Ayon kay PCpt Maguiwe, layunin ng “Oplan: Kalinaw Reloaded” na matamo at mapanatili ang kapayapaan at magandang ugnayan ng ating Gobyerno at mamamayan lalong lalo na sa mga kapus palad nating mga kababayan.
###
Panulat ni Patrolwoman Sherie-ann Masi
