Candijay, Bohol – Nagsagawa ang mga tauhan ng Candijay PNP ng Oplan BES (Bisita Eskwela) sa Candijay National High School nito lamang Lunes, ika-24 ng Oktubre 2022.
Ang aktibidad ay pinangunahan ng mga tauhan ng Candijay Municipal Police Station sa pangangasiwa ni Police Major Gerald Luna, Chief of Police.
Namahagi ang naturang istasyon ng mga kagamitan sa volleyball, katulad ng bola at net sa mga guro at estudyante ng Candijay National High School bilang bahagi ng programang PNP CARES (Candijay Police, Aims & Ready in Extending Support) ng Candijay Municipal Police Station.
Ang mga kagamitan ay tiyak na mapapakinabangan ng mga mag-aaral at kawani ng naturang paaralan sa panahon ng kanilang mga aktibidad pampalakasan upang mas mapaunlad at mahubog ang kanilang kasanayan.
Hangad ng Pambansang Pulisya na sa pamamagitan ng pagtutulungan ng Kapulisan, Simbahan at Pamayanan ay malinang, magabayan at maprotektahan ang mga kabataan na siyang pag-asa ng ating bayan.
