Kiamba, Sarangani Province – Nagsagawa ang mga tauhan ng Regional Community Affairs and Development Division PRO 12 ng OPLAN BES (Bisita Eskwela) – I am Strong Program sa Severo T. Inong Elementary School Brgy. Kapate Kiamba, Sarangani Province noong Miyerkules ika-29 ng Hunyo 2022.
Katuwang sa nasabing aktibidad ang Kiamba Municipal Police Station at Regional WCPD.
Ito ay pinangunahan ni PLt Genesis Bosabica Chief, Community Affairs Section, katuwang sina PMaj Herman Luna, Chief of Police ng Kiamba MPS; Karancho Kiamba Chapter; at Faculty and Staff ng nasabing paaralan.
Ayon kay PMaj Bosabica, ang isinagawang aktibidad ay naglalayong hubugin at impluwesyahan ang mga mag-aaral na maging “STRONG” o (Smart, Talented, Responsible, Obedient, Nice and God Fearing) ang mga ito.
Pinasimulan namn ni PCpl Christine Cariño, Regional WCPD PNCO ang pagbibigay ng impormasyon patungkol sa batas na kumakalinga sa mga karapatan ng bawat bata katulad ng R.A 7610.
Samantala, nakatanggap rin ang 100 na mag-aaral sa nasabing paaralan ng libreng pagkain, school supplies at hygiene kit.
Layunin ng PNP na matulungan, magabayan at maprotektahan ang mga kabataan na siyang pag-asa ng ating bayan.
Source: RCADD
###
Panulat ni Patrolwoman Vanessa Gomez
