Tupi, South Cotabato – Nagsagawa ng PNP Oplan BES (Bisita Eskwela) ang mga tauhan ng Police Regional Office 12 – Regional Community Affairs and Development Division sa Ludovico I. Senador Elementary School, North District, Brgy. Bololmala, Tupi, South Cotabato, noong Agosto 31, 2022.
Ang aktibidad ay pinangunahan ni Police Colonel Gilberto B Tuzon, Office-In-Charge ng RCADD 12, katuwang ang mga tauhan ng South Cotabato Police Provincial Office, Tupi Municipal Police Station at Regional WCPD.
Ayon kay PCol Tuzon, isinagawa ang aktibidad upang hubugin at impluwensyahan ang mga mag-aaral na maging “STRONG” o (Smart, Talented, Responsible, Obedient, Nice and God Fearing) ang mga ito.
Ayon pa kay PCol Tuzon, humigit kumulang 100 na mag-aaral ang nakatanggap ng libreng pagkain, school supplies at hygiene kit.
Sa kabilang banda, ibinahagi naman ni PSSg Joy P Combista, Regional WCPD PNCO ang pagtuturo patungkol sa batas na kumakalinga sa mga karapatan ng bawat bata katulad ng R.A. 7610 o “Special Protection of Children Against Abuse, Exploitation and Discrimination Act.”
Lubos naman ang pasasalamat ng mga guro ng paaralan sa mga kapulisan sa pagbisita at pagbibigay ng samu’t saring kagamitan at serbisyo sa mag-aaral ng Bololmala.
Dagdag pa ni PCol Tuzon, hangad nilang matulungan, magabayan at maprotektahan ang mga kabataan na siyang pag-asa ng ating bayan.
Kaya’t hindi titigil sa pamimigay ng mga tulong at pagpaparating sa mamamayan ang tunay na malasakit ng Pambansang Pulisya.
Panulat ni Patrolman Khnerwin Jay A Medelin
