Catanduanes – Nagsagawa ng OPLAN BES at pamamahagi ng School Supplies ang mga personahe ng Caramoran Municipal Police Station sa mga mag-aaral ng Camburo Elementary School, Barangay Camburo, Caramoran Catanduanes nito lamang ika-31 ng Enero 2023.
Ang naturang aktibidad ay pinangunahan ni Police Captain Rommel M Aringo, Officer-In-Charge ng Caramoran Municipal Police Station kasama ang mga tauhan nito.
Ibinahagi sa mga mag-aaral ang mga paksa patungkol sa mga karapatan ng bawat bata, tulad ng Anti-Bullying Act, R.A. 7610, R.A. 11313, R.A. 9262 at RA 9165 na bahagi ng OPLAN BES (Bisita Eskwela) I am Strong Program na naglalayong hubugin at impluwensyahan ang mga mag-aaral na maging “STRONG” o (Smart, Talented, Responsible, Obedient, Nice and God-Fearing).
Bukod dito nakatanggap din ng school supplies ang bawat mag-aaral na labis nilang ipinagpasalamat sa munting handog ng ating mga kapulisan.
Ang Pambansang Pulisya ay patuloy sa pagsasagawa ng mga programa na makakatulong sa mga kabataan at pagbibigay ng mga kaalaman para matulungan, magabayan at maprotektahan ang kanilang mga karapatan at kinabukasan.
Source: Caramoran Mps Catppo
