Matapos ang pagsasagawa ng kauna-unahang command conference ng mga tauhan ng Cebu Police Provincial Office (CPPO) noong Sabado, Enero 7, 2023, isinailalim ang mga opisyales sa isang surprised drug test sa Golden Prince Hotel sa Cebu City.
Kabilang sa mga sumailalim sa naturang pagsusuri ay ang Provincial Director ng CPPO, Police Colonel Rommel Ochave, Police Lieutenant Colonel Tomas Santander, Deputy Provincial Director for Administrations, Police Lieutenant Colonel Mark Gifter Sucalit, Deputy Provincial Director for Operations at ang nasa 50 na station commander sa buong lalawigan ng Cebu.
Ayon naman kay Police Colonel Ochave, ang surprise drug test ay bahagi ng internal cleansing sa organisasyon upang matiyak na hindi sangkot sa aktibidad ng ilegal na droga.
