Muling nagpamalas ng malasakit at serbisyo ang Officers’ Ladies Club (OLC) PRO-CAR sa ikinasang Medical at Dental Outreach program sa Sitio Bonbon-Ay, Barangay San Ramon West, Manabo, Abra noong ika-1 ng Pebrero, 2025.
Ang aktibidad ay pinamumunuan ni Ms. Helen Grace Peredo, Adviser, OLC PRO-CAR, kasama ang Regional Medical Dental Unit PRO CAR, True Vine Christian Fellowship International Inc., Leon-Agila International Humanitarian Club Inc., OLC Abra Chapter, na dinaluhan ni Hon. Darrel Domasing, Municipal Mayor ng Manabo, PCADU, 2nd Abra PMFC, at Manabo MPS.
Kabuuang 746 residente, kabilang ang 100 dependent ng PNP, ang nakinabang sa iba’t ibang serbisyong medikal at dental, pamamahagi ng libreng eye glasses, physical therapy, pagsusuri ng blood sugar, libreng gupit, at counselling, habang ang mga bata ay nakatanggap ng tsinelas, jogging pants, meryenda, at lumahok sa mga parlor games na may premyo.
Ipinahayag ni Hon. Mayor Domasing, ang kanyang pasasalamat sa koponan para sa paghahatid ng iba’t ibang serbisyo sa kanyang mga nasasakupan, habang pinasalamatan ni Mrs. Grace Peredo ang mga mapagbigay na katuwang ng PRO CAR at ang mga tao sa likod ng tagumpay ng nasabing inisyatiba, binanggit ang layunin ng kanilang organisasyon, at nagpahayag ng pag-asa na ang outreach ay magsilbing inspirasyon sa lahat sa pagpapakita ng kabutihan sa kapwa at maging simula ng mas magandang ugnayan sa pagitan ng komunidad at ng PNP patungo sa matagumpay na pagpapatupad ng mga plano at programa ng PNP.
Ang aktibidad na ito ay nagpapakita ng pagkakaisa ng komunidad, serbisyo sa kapwa, edukasyon at kamalayan, inspirasyon at pag-asa, at mahalagang halaga ng pagtutulungan para sa matagumpay na pagpapatupad ng mga programa.
Panulat ni Pat Jecibell Moyao
