Pasay City – Arestado ang isang pasahero mula sa Jeddah, Saudi Arabia ng mga operatiba ng PNP Aviation Security Group sa Terminal 1 ng NAIA noong gabi ng Pebrero 5, 2023.
Ayon kay PCol Rhoderick B Campo, Hepe ng AVSEU, NCR, ang pasahero ay isang OFW sa Saudi Arabia at residente ng Barangay Ayala, San Pascual, Batangas.
Ayon kay PCol Campo, naaresto ang nasabing pasahero sa kasong Falsification at Perjury pagdating sa paliparan lulan ng Saudi Airlines Flight SV 870.
Ayon sa pinuno ng AVSEGROUP na si Polife Brigadier General Anthony A Aberin, nasa kustodiya ng AVSEU NCR – NAIA Police Station 1 ang akusado para sa tamang disposisyon.
“Katuwang ang ibang ahensya sa mga paliparan, patuloy ang ating pagsubaybay at pag-aresto sa mga taong may kinakaharap na iba’t ibang kaso sa ating bansa” pahayag ni PBGen Aberin.
