Police Regional Office 12 – Isinagawa ang Mass Oath-Taking and Pinning of Ranks Ceremonies sa iba’t ibang hanay ng pulisya, kung saan sabay sabay isinagawa bandang alas 8 ng umaga kabilang dito ang Police Region Office 12 (PRO 12) nito lamang Enero 10, 2023.
Kung saan 1,917 na mga Police Commissioned Officers at Police Non-Commissioned Officers ang nakapanumpa at napromote sa mas mataas na ranggo para sa CY 2022 Regular Promotion Program ng PNP.
Pinangunahan ni PBGen Jimili Macaraeg, Regional Director ng PRO 12 kasama ang Command Group, placement board at iba pang opisyales ng PRO 12 na sila mismo ang naglagay ng panibagong insignia sa uniporme ng mga bagong napromote.
Ayon kay PBGen Macaraeg, ang lahat na napromote ay dumaan sa mabusising proseso na sinusunod ng PRO 12 Promotional Board, para makapili ng karapat dapat na kwalipikadong mga pulis para sa rank promotion.
52 sa mga ito ang napromote bilang Police Executive Master Sergeant, 206 bilang Police Chief Master Sergeant, 189 bilang Police Senior Master Sergeant, 221 bilang Police Master Sergeant, 505 bilang Police Staff Sergeant at 611 bilang Police Corporal.
Samantala, 133 na Police Commissioned Officers naman ang nanumpa rin sa mas mataas na ranggo. 24 sa mga ito ay bilang Police Major, 103 dito ay bilang Police Captain at 6 bilang Police Lieutenant.
Sa naging mensahe ni Regional Director Macaraeg, nagpaabot naman ito ng pasasalamat sa bawat isa, kung saan binigyang diin nito na ang pagtataas ng ranggo sa mga miyembro ng PNP ay may kaakibat ding pagtaas ng responsibilidad at disiplina.
Panulat ni Patrolman Khnerwin Jay A Medelin
