Tanay, Rizal – Sinuportahan ng Rizal PNP ang isinagawang Nutribun Feeding Program ni Senator Imee R. Marcos sa Brgy. Sampaloc, Tanay, Rizal nitong Linggo, Setyembre 11, 2022.
Ang aktibidad ay pinangunahan ni Police Colonel Dominic Baccay, Provincial Director ng Rizal Police Provincial Office, sa direktiba ni Police Brigadier General Jose Melencio C Nartatez Jr, Regional Director, Police Regional Office 4A.
Nagkaroon ng Road and Area Security ang pulisya mula sa Rizal Mobile Force Company, Special Weapon and Tactics Unit, Intelligence Unit, Explosive Ordinance Disposal Group at Tanay Municipal Police Station para sa kaayusan at makabuluhang aktibidad.
Dumalo rin sa aktibidad sina Department of Agriculture Under Secretary USEC Kristine Evangelista, Congressman Dino Tanjuatco, Governor Nina Ricci Ynares, Vice Governor Reynalfo San Juan Jr., Sangguniang Bayan Members, Municipal Mayor Lito Tanjuatco, at mga barangay officials ng Sampaloc sa pamumuno ni Honorable Alvin Belza.
Tinatayang nasa mahigit 100 bata na kulang sa timbang ang naging benepisyaryo sa ginanap na feeding program.
Layunin nitong muling buhayin at ipagpatuloy ang magandang adhikain ng pamahalaan na mabigyan ng sapat na nutrisyon ang mga batang undernourished/malnourished.
Patuloy na isusulong at susuportahan ng Rizal PNP ang mga programang may malasakit na makakatulong sa pagkakaroon ng malusog at masiglang pangangatawan ng mga kabataan sa kanilang mga nasasakupan.
Source: Rizal PPO PIO
Panulat ni Police Staff Sergeant Donabel Dulin
