Nagsagawa ng bloodletting activity ang mga tauhan ng Nueva Vizcaya Police Provincial Office kaugnay sa pagdiriwang ng 29th Police Community Relations Month na may temang “Ligtas ka sa Bagong Pilipinas” na ginanap sa Maringal Medical and Dental Clinic, Camp Major Saturnino L Dumlao, Bayombong, Nueva Vizcaya nito lamang Huwebes, ika-25 ng Hulyo 2024.
Pinangunahan ni Police Colonel Camlon P Nasdoman, Provincial Director ng Nueva Vizcaya Police Provincial Office katuwang si Police Lieutenant Colonel Orlando M Tacio, Chief ng Police Community Affairs and Development Unit, kasama ang ibang miyembro ng Philippine Red Cross, kapulisan ng Nueva Vizcaya at iba pang stakeholders.
Dumaan sa iba’t ibang screening ang mga donors upang masiguro ang kanilang kaligtasan at pati ang mga benepisyaryo ng malilikom na dugo.
Ang nasabing aktibidad ay naglalayon na makatulong upang matiyak na ang mga stock ng dugo ay nananatiling sapat para sa mga nangangailangan.
Lubos ang pasasalamat ni Police Colonel Nasdoman sa Philippine Red Cross Nueva Vizcaya Chapter at sa mga taong bumuo ng nasabing aktibidad.
Isang patunay na ang PNP ay handang tumulong at maglingkod sa ating mga kababayan sa pamamagitan ng pag-aalay ng kanilang dugo upang mabigyan ng pag-asa at dugtungan ang buhay ng mga nangangailangan tungo sa mas maunlad na Bagong Pilipinas.
Source: Nueva Vizcaya PPO
