Boluntaryong sumuko ang isang miyembro ng NPA sa Baryo sa mga otoridad sa Company Headquarters, 1502nd Manuever Company ng Regional Mobile Force Battalion 15, Babalaan, Tadian, Mountain Province nito lamang ika-14 ng Hulyo 2024.
Kinilala ni Police Colonel Sibly P Dawiguey Jr., Provincial Director ng Mountain Province Police Provincial Office, ang sumuko na si alyas “Balanti”, Non-PSRTG, 59 anyos at miyembro ng NPA sa Barrio sa ilalim ng nabuwag na Kilusang Larangang Guerilya (KLG) Ifugao at kalaunan nasa ilalim ng nabuwag ding KLG Ampis.
Pahayag ni alyas “Balanti”, narekrut siya ng Communist Terrorist Group (CTG) noong 2012 at nagsilbi bilang contact person sa Gumhang, Tinoc, Ifugao bago naging miyembro ng NPA sa Barrio sa ilalim ng Nona del Rosario Command (NDRC) hanggang sa paglipat niya sa Komiteng Larangang Guerilla AMPIS noong 2018 hanggang Hulyo 2024.
Ayon kay PCol Dawiguey Jr., ang matagumpay na pagbabalik-loob ay bunga ng pagsisikap ng mga kapulisan at militar sa pangunguna ng Tadian Municipal Police Station, 1502nd MC ng RMFB15, PIT ng Mt. Province RIU14, NICA-CAR, katuwang ang Tinoc MPS, PIU/PDEU ng Mt. Province PPO, PIU/PDEU ng Ifugao PPO.
Patuloy pa rin ang panawagan ng pamahalaan na magbalik-loob ang iba pang miyembro ng CTG upang muling mamuhay ng payapa at makasama ang kanilang pamilya.
