Boluntaryong sumuko sa pulisya ang isang miyembro ng New People’s Army (NPA) sa Barangay Zone IV, Koronadal City, South Cotabato nito lamang Nobyembre 12, 2024.
Ayon kay Police Lieutenant Colonel Rey D Egos, Force Commander ng 1st South Cotabato Provincial Mobile Force Company, sumuko sa kanilang tanggapan si “Ka Bongbong” na kasapi ng Communist Terrorist Group (CTG) mula sa Guerilla Front ALIP ng Far South Mindanao Region.
Napasuko ito dahil sa mas pinaigting na kampanya kontra insurhensiya ng mga kapulisan ng 1st SCPMFC, 2nd SCPMFC, South Cotabato Provincial Intelligence Unit, Regional Intelligence Division 12 at Regional Special Operating Group 12 at Koronadal City Police Station.
Kaagad namang tumanggap ng cash assistance at isang sakong bigas ang sumukong rebelde mula sa pulisya.
Tiniyak din ng opisyal na makakakuha pa ng karagdagang financial assistance ang nabanggit na rebelde sa ilalim ng Enhanced Comprehensive Local Integration Program (E-CLIP) ng gobyerno tungo sa pagbabagong-buhay nito.
