Nueva Vizcaya – Nakiisa at nagpakita ng suporta ang Nueva Vizcaya Police Provincial Office (NVPPO) sa paglulunsad ng School-Based Feeding Program na ginanap sa Dupax del Norte National High School, Dupax del Norte, Nueva Vizcaya noong ika-20 ng Hunyo 2023.
Pinangunahan ang aktibidad ng mga guro ng nasabing paaralan sa pamumuno ni Ms. Medy M. Bianzon, EdD, Principal IV, katuwang ang NOVO Cops sa pamumuno ni Polic Colonel Camlon Nasdoman. Provincial Director at My Brother’s Keeper – Life Coaches (MBK-LC) sa pangunguna naman ni Pastor Danny D. Punay.
Layunin ng programa na magbigay ng pang-araw-araw na pagkain para sa mga mag-aaral upang mabawasan ang malnutrisyon, maalagaan ang mga kabataan at maisulong ang malusog na pangangatawan na kung saan may kabuuang 54 na piling mag-aaral mula Grade 7-12 ang napiling benepisyaryo.
Patunay lamang na ang PNP ay tunay na maaasahan hindi lamang sa pagpapanatili ng kaayusan sa pamayanan at paglaban sa kriminalidad kundi pati sa pangangalaga ng ating kalusugan at ng mga kabataan.
